سەردانی تیمی پێشانگای نێودەوڵەتی بۆ ژوری بازرگانی

ڕۆژی یەکشەممە 2021/1/17 لە ژوری بازرگانی و پیشەسازی سلێمانی بەڕێوەبەری پێشانگا حسن رحیم و بەڕێوەبەری پەیوەندیەکانی پێشانگا شەوقی عمر بە ئامادەبونی بەڕێز سیروان محمد سەرۆکی ژور و بەڕێز یاسین رحیم جێگری سەرۆکی ژور و چەند ئەندامێکی ئەنجومەنی ژور لەگەڵ دکتور عەلا عبدلصاحب النوری، ئەندامی ئەنجومەنی کارگێڕی ژووری بازرگانی و پیشەسازی بەغداد كۆبونەوە ، لە کۆبونەوەکەدا بە وردی باسی میکانیزمی چۆنێتی هەماهەنگی و هاوکاری هەردولا کرا لە کاتی کردنەوەی پێشانگا نێودەوڵەتیەکانی پارێزگای سلێمانی کە لە لایەن کۆمپانیای اطلس الأصيل له پێشانگای نێودەوڵەتی سلێمانی ڕێکدەخرێت ، شایانی باسە هەموان هاودەنگ بون لەسەر دەربڕینی هاوکاری بۆ پێشانگا لە پێناو زیاتر بوژانەوەی بەرهەمی ناوخۆیی و کەرتی گەشتیاری لە شاری سلێمانی .